O Parlamento de Galicia convoca oito bolsas de formación práctica para titulados universitarios
Obterase formación práctica nas materias de arquivo, biblioteca e documentación, comunicación institucional, publicación, recursos humanos e contratación, e xestión parlamentaria. Haberá tamén unha bolsa de formación de asistencia administrativa e servizos comúns para persoas con discapacidade intelectual.
Por E.P. | SANTIAGO DE COMPOSTELA | 15/06/2020 | Actualizada ás 13:18
O Parlamento de Galicia publicou unha nova convocatoria de bolsas de formación práctica dirixidas a titulados universitarios nas modalidades de arquivo de biblioteca e documentación (2 bolsas), comunicación institucional (unha), publicacións (dúas), recursos humanos e contratación (unha) e xestión parlamentaria (unha).
Así mesmo, informou a Cámara, tamén se convoca unha bolsa adicional nunha das modalidades previstas reservada para persoas con discapacidade igual ou superior a 33%, no marco da estratexia do Parlamento dirixida a apoiar a integración laboral deste colectivo.
As bases da convocatoria poden consultarse no Boletín Oficial do Parlamento de Galicia e na propia web do Parlamento. As persoas interesadas poden presentar as solicitudes no prazo dun mes contado a partir da publicación da convocatoria, este luns, 15 de xuño, no Diario Oficial de Galicia.
As titulacións para aspirar ás bolsas terán que estar obtidas no ano académico 2014-2015 ou posteriores. Cada unha delas terá unha duración de 12 meses.
