Usuaria de residencia de día: "É inxusto que abran discotecas, e todo, e nós non"

A Xunta de Galicia informaba o pasado venres, 29 de maio, que os centros ocupacionais deberían permanecer pechados ata o 1 de setembro. Unha medida que obriga a persoas con diversidade funcional, nenos e a maiores a quedar na casa o que, para entidades que se encargan do seu coidado, supón unha marxinación.

Así, entidades como LIMISI, que traballa con persoas con diversidade funcional do rural, critica duramente ao presidente da Xunta, Alberto Núñez Feijóo por solicitar ao Goberno central, desde que comezou a fase 0, “avances e flexibilidade na desescalada no noso país”. Con todo, denunciaba que el non fai o mesmo cos usuarios dos servizos sociais de Galicia. “Centros ocupacionais, centros de día e escolas infantís de Galicia teremos que permanecer pechados ata o 1 de setembro mentres noutras comunidades autónomas si van retomando o seu traballo”, denunciaba hai uns días nun comunicado.

Por iso, iniciou unha campaña en redes sociais baixo o lema "Baixa de sobreprotección, non me negues dereitos" e os cancelos #ADiscapacidadePrecisaAtención #DesescalarosCentrosOcupacionais no que están participando usuarios e traballadores destes centros pedindo a súa reapertura.

Un deses casos é Marta que critica ao goberno por non poder ir ao centro ocupacional. "É inxusto que abran discotecas, e todo, e nós non", apunta neste vídeo:

Aclare e poña data dunha vez sr @FeijooGalicia @FabiolaBarbanza @lavozdegalicia @LaRegion @Farodevigo @Gconfidencial https://t.co/AHtrjJDpS8

— Moni López (@desdelacoru) June 23, 2020