Vox presionará a Feijóo para "loitar" por Galicia se entra no Parlamento

O portavoz de Vox, Jorge Buxadé, sinalou que esta formación aspira a obter representación no Parlamento de Galicia tras as eleccións do 12 de xullo para que na Cámara haxa "voces" insten o presidente da Xunta, Alberto Núñez Feijóo, a "loitar" por Galicia e os españois.

Nunha visita ao porto de Burela, Buxadé asegurou que aspira a que entren "un, dous, tres, catro ou dez (deputados)", como no Parlamento de Andalucía, "para dicirlle ao señor Feijóo que non queremos que sucedan as cousas que están a suceder en Galicia".

Tamén incidiu na necesidade de defender a capacidade produtiva e de crecemento económico da comunidade, para o que resaltou que se debe garantir unha "competencia leal e aberta" con empresas doutros países.

Ademais, denunciou que a normalización de lingüística causa unha "ruptura social en Galicia como a que se produciu en Cataluña", polo que sinalou que é preciso dispor dun representante que defenda as liberdades individuais. Do mesmo xeito, criticou a "propaganda política e sectárea" dos medios públicos galegos.

Pola súa banda, a candidata do partido por Lugo, Sonia Teijeiro, argumentou que nin o actual Goberno nin o do PP "quixeron dar unha solución a Alcoa". A ambos, recriminoulles que non aprobasen un estatuto electrointensivo para fixar un marco estable "que nos colocou no marco europeo".

A iso, sumaron unhas infraestruturas na provincia "que nos aislan". "O AVE non está nin se lle espera", dixo. Por outra banda, preguntouse se o futuro para Lugo é ver "como emigran os universitarios". "Nós dicimos que non, que hai que aliviar o peto das familias, queremos defender o mundo rural e a pesca", sentenciou tamén.

O portavoz de Acción Política e eurodeputado de Vox, Jorge Buxadé,