A Administración lembra a necesidade de pedir cita previa para os trámites presenciais

A Delegación do Goberno en Galicia insiste ós cidadáns a necesidade de acudir con cita previa para realizar xestións presenciais nas oficinas Administración Xeral do Estado, un trámite que pode ser cumplimentado na súa páxina web. Á marxe, e de cara á diminución da presencialidade para evitar riscos, lembran á cidadanía que "poden realizar consultas e peticións de información por teléfono e correo electrónico para evitar desprazamentos innecesarios ás oficinas".

Os que queiran achegarse ás oficinas para a xestión dos trámites, lembran, terán que portar unha máscara protectora "ao tratarse dun espazo pechado no que é necesario extremar as precaucións hixiénico-sanitarias para previr os contaxios". En todas as dependencias administrativas, sinalaron, "hai numerosos carteis explicativos, están dispostos elementos de hixiene e, ademais, extrémanse as precaucións con biombos ou outros elementos situados para protexer ao funcionariado e ao público co que ten contacto".