Antes de que remate o ano verá a luz unha guía sobre o uso de drons en portos

Portos do Estado prepara unha guía sobre o uso de drons nos portos, un proxecto conxunto coas autoridades portuarias para dar soporte e seguridade á implementación desta tecnoloxía. A guía, que está previsto que estea lista antes de que acabe o ano, incluirá aspectos como unha introdución co contexto, os obxectivos e os beneficios do uso desta tecnoloxía nas contornas portuarias; o marco normativo xeneral que se debe aplicar; as opcións para aumentar a protección do espazo aéreo portuario, así como experiencias reais e recomendacións operativas.

O uso de drons xa é unha realidade en moitos portos españois. Segundo unha sondaxe levada a cabo por Portos do Estado xunto con Ineco, o 32 % das autoridades portuarias utilízanos en tarefas como vixilancia e seguridade perimetral, inspección de infraestruturas, medicións topográficas e de superficies, xestión de emerxencias e control da lámina de auga. O obxectivo para 2030 é un 100 % de adopción dos drons en contornas portuarias no marco dun ecosistema dixital integrado.

Dron no porto da Coruña | Fonte: PORTOS DO ESTADO - Arquivo