Recuperado o corpo do pescador que caeu ao mar en Valdoviño
Foi localizado a uns 50 metros ao sureste do lugar no que desapareceu.
- Buscan a un pescador desaparecido tras caer ao mar "sen chaleco" en Valdoviño
- Prosegue a busca do pescador desaparecido tras caer ao mar en Valdoviño
Por Europa Press / Redacción | SANTIAGO DE COMPOSTELA | 02/07/2020 | Actualizada ás 12:26
O corpo do pescador que caeu ao mar o pasado martes no concello de Valdoviño (A Coruña) foi localizado na mañá deste xoves a uns 50 metros ao sureste do lugar no que desapareceu na praia de O Baleo.
Segundo explica Salvamento Marítimo a Europa Press, o pescador foi localizado ás 10:46 horas deste xoves, 2 de xullo, polo helicóptero de Salvamento Marítimo Helimer 211 (con base en Santiago).
Un rescatador sacou da auga o corpo do pescador ás 11:20 horas e foi levado en helicóptero á praia de O Baleo, onde foi entregado á Garda Civil. A emerxencia foi coordinada polo centro de Salvamento Marítimo da Coruña, que depende do Ministerio de Transportes.
Un amplo dispositivo buscaba a este home de 41 anos de idade, veciño de Asturias, desde que o martes un compañeiro avisase ás 9:45 horas da súa caída.
