Por E.P. | SANTIAGO DE COMPOSTELA | 02/07/2020 | Actualizada ás 15:20
Un incendio provocado polo accidente dun camión chamou á atención dos veciños do municipio de Cerceda, na Coruña, ao provocar unha intensa labarada e unha gran fumareda negra.
O vehículo, un camión articulado que transportaba filtros e bidóns de aceite, circulaba pola AC-400, á altura do punto quilométrico 20 (lugar da Cortella).
Nese momento, pouco antes das 12,00 horas, unha explosión nas rodas provocou un incendio no remolque do vehículo. O condutor puido saír do camión e reaccionar a tempo para realizar as primeiras tarefas de extinción e empezar a atallar as chamas.
O 112 recibiu a alerta de diversos particulares, que chamaron a Emerxencias tras ver a densa fumareda que desprendía o camión.
Así se despregou un operativo formado por Bombeiros de Ordes, Garda Civil de Tráfico, Policía Local e efectivos de Protección Civil da localidade.
Parte da carga que portaba o vehículo derramouse na vía, e debido aos materiais que transportaba o lume reproducíase cada certo tempo.
A esta hora, o incendio está practicamente extinguido, aínda que os Bombeiros permanece no punto para evitar que se reaviven as chamas, que calcinaron por completo a plataforma do camión.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.