Por Galicia Confidencial | SANTIAGO DE COMPOSTELA | 06/08/2020 | Actualizada ás 09:00
A Asociación para a Conservación e o Estudio do Lobo Ibérico (ASCEL) pídelle á Xunta de Galicia que poñan en liberdade a un lobo que foi atropelado na contorna de Santiago de Compostela o pasado mes de febreiro. O animal foi retirado do medio natural e trasladado ao Centro de Recuperación de Fauna Silvestre (CRFS) da provincia da Coruña.
Segundo indica ASCEL, "a retirada dun exemplar de lobo do medio natural é un suceso indesexable que degrada a viabilidade xenética xa depauperada da especie na península ibérica, dado o reducido tamaño de poboación efectiva, por tanto, esta retirada ten que estar plenamente xustificada."
No marco do Decreto 297/2008 que aproba o plan de xestión do lobo en Galicia, ASCEL pediulle á Xunta a elaboración urxente do protocolo de manexo de lobos para situacións análogas, co obxecto de que os exemplares sexan recuperados e postos en liberdade o máis pronto posible.
ASCEL enviou un escrito á Xunta de Galicia o pasado 29 de xullo solicitando información detallada sobre este suceso, como o manexo veterinario efectuado co exemplar de lobo, a xustificación do confinamento durante tantos meses no CRFS, e sobre todo, apelando a unha inmediata liberación, para maximizar as probabilidades de supervivencia dun exemplar que leva en catividade cincos meses.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.