Por Europa Press / Redacción | SANTIAGO DE COMPOSTELA | 28/08/2020 | Actualizada ás 13:49
O brote de COVID-19 relacionado cunha empresa situada no municipio coruñés da Pobra do Caramiñal suma outro caso positivo, o que eleva a 16 os contaxiados. Así o confirmou este venres a área Sanitaria de Santiago e Barbanza despois de que este xoves se detectaran catro novos positivos de traballadores no 'screening' realizado.
Mentres, no municipio coruñés de Negreira detectouse un brote con orixe nunha reunión familiar que suma 12 casos, indicaron as mesmas fontes sanitarias. Así mesmo, no segundo cribado realizado na Residencia de Maiores de Lalín (Pontevedra) detectouse un positivo, que corresponde a un conviviente co anterior infectado.
En canto á situación do municipio courñés de Melide, as mesmas fontes elevan a 77 os casos totais, distribuídos en diferentes concellos da área de Santiago e mesmo noutras provincias. Ademais, nesta área sanitaria compostelá hai outro brote con 13 casos positivos vinculados ao centro de Correos de Lavacolla, na capital galega.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.