O Concello da Coruña prorroga ata final de xaneiro a peonalización de varias rúas

O goberno local da Coruña decidiu prorrogar as peonalizacións das rúas Compostela, Primavera, Alcalde Marchesi, Monte das Moas e Emilia Pardo Bazán ata o 31 de xaneiro de 2021.

Deste xeito, o Concello pretende garantir que se poida manter a distancia social e, ao mesmo tempo, axudar ao comercio e á hostalaría para á campaña do Nadal. Esta decisión tómase para que as previsións de ocupación de zonas póidanse realizar "a máis longo prazo" e para rendibilizar os investimentos que os locais fixeron nas terrazas ao comezo da desescalada para ocupar parte de prazas de aparcadoiro.

Do mesmo xeito, a partir do próximo martes, a rúa de acceso ao club de San Amaro será tamén peonil. A Concellaría de Mobilidade sinala que con esta actuación trátase de facilitarlles máis espazo para as persoas viandantes na contorna da praia de San Amaro e no Club do Mar. Manteranse as prazas de aparcadoiro para persoas con mobilidade reducida, e o acceso para carga/descarga ata as 11.00, así como o paso a vehículos de emerxencias.

Valos para controlar os accesos nas praias da Coruña. CONCELLO DA CORUÑA