Por Europa Press / Redacción | OVIEDO | 15/09/2020 | Actualizada ás 13:39
O exfutbolista do Sporting de Xixón e do Deportivo J.M.C. detido por un suposto delito de malos tratos cara á súa parella sentimental quedou en liberdade sen ningunha medida cautelar, segundo informou o Tribunal Superior de Xustiza de Asturias (TSJA).
Así o decidiu este martes a maxistrada titular o Xulgado de Violencia sobre a Muller de Xixón, tras tomarlle declaración por uns feitos ocorridos presuntamente nos Xardíns da Raíña de Xixón a noite do pasado 13 de setembro.
Na causa, que seguirá aberta para a práctica dalgunha dilixencia máis, non existe denuncia por parte da súa muller, nin parte de lesións, nin solicitude de medida cautelar algunha pola súa banda, nin existen denuncias previas entre eles e tampouco constan antecedentes xudiciais de ningunha clase, polo que foi cualificada como de risco non apreciado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.