A ANPA do colexio do rapaz esquecido no autobús súmase á defensa do equipo directivo
Esixen a readmisión da dirección e que os responsables da inspección dimitan.
Por E.P. | SANTIAGO DE COMPOSTELA | 06/10/2020 | Actualizada ás 12:32
A ANPA do CEIP Luís Seoane de Oleiros volveu a reclamar a readmisión do equipo directivo saínte, nunha dimisión que a ata a semana pasada directora cualificou de "forzosa" no seu caso e á que se sumou o resto dos membros en solidariedade con ela. Fixérono nesta ocasión a través do seu blogue, no que piden tamén a dimisión dos responsables de Inspección Educativa, na que aseguran perder " a confianza".
"Non os consideramos capacitados para rexer o destino das nosas fillas e fillos", sinalan tras expresar a semana pasada o apoio á exdirectora, "obrigada a dimitir", segundo a comunidade educativa, polo esquecemento dun escolar de catro anos no bus, un feito do que responsabilizan á empresa de transportes.
Ademais de reiterarlle o seu apoio, rexeitan o nomeamento dun novo equipo directivo "á forza" xa que, segundo confirmaron fontes da ANPA consultadas por Europa Press, citouse a dúas profesoras para que asuman esta función. Mentres, a través da plataforma change.org, elévanse a case 3.400 as firmas solicitadas para esixir a readmisión da exdirectora, unha iniciativa que xurdiu a semana pasada tras as mobilizacións protagonizadas ante o centro en apoio á mesma.
