Pan Galego... para fomentar o cultivo de trigo no país

O conselleiro de Medio Rural fixo un chamamento a produtores de trigo, panadeiros tradicionais e muiñeiros a acollerse á Indicación Xeográfica Protexida (IXP) de Pan Galego. Este mércores celebrouse en Boqueixón o acto de presentación de Pan Galego, onde o conselleiro sinalou que a Xunta traballa para que "o recoñecemento" deste produto "sexa unha realidade dentro e fóra de Galicia".

O obxectivo é "fomentar o cultivo de trigo", que repercutirá nas rendas dos agricultores e na recuperación de aldeas, así como convidar o consumo de pan autóctono. Tamén permitirá pór en valor a numerosos establecementos familiares por toda a Comunidade.

A Federación Galega de Asociacións de Fabricantes de Pan (Fegapan) impulsou este selo de calidade desde 2015. Así, este pan deberá cumprir con algúns requisitos como a utilización de masa cunha elevada cantidade de auga, ter cortiza dura, faragulla esponxosa e fariña de trigo brando --da que como mínimo un 25% debe proceder de trigos cultivados en Galicia--. Poden ser diferentes tipos como barra ou bola, entre outras.

Nas próximas semanas levarán a cabo xornadas no catro provincias para informar aos interesados das vantaxes da súa adhesión.

Broa de millo, un pan típico de Galicia | Fonte: atable.es