Por E.P. | OURENSE | 19/10/2020 | Actualizada ás 16:13
Axentes da Policía Autonómica levaron a cabo durante este fin de semana 36 dispositivos na provincia de Ourense no marco do plan de actuacións específicas destinadas á prevención, inspección e control do cumprimento das medidas adoptadas polas autoridades competentes pola covid-19. Ao amparo destes controis, os axentes realizaron 63 inspeccións en catro concellos da provincia no pasado fin de semana, nos que se identificaron a 476 persoas e tramitáronse oito denuncias.
En base a este plan, a Policía Autonómica destinou efectivos entre o 16 e o 18 de outubro a controlar que se estaban cumprindo as medidas vixentes para frear a expansión do virus, levaron a cabo 36 dispositivos nos municipios de Ourense, Boborás, O Carballiño e Verín.
No conxunto da comunidade galega, os axentes actuaron nun total de 23 concellos, nos que se rexistraron 97 operativos cun total de 121 inspeccións, con máis de 600 persoas identificadas e 28 denuncias tramitadas.
Estes dispositivos enmárcanse no seo da colaboración entre as forzas e corpos de seguridade do Estado, cada unha no marco das súas competencias.
Durante os operativos, os axentes controlaron que nos establecementos abertos ao público, terrazas e espectáculos públicos estaban a cumprirse as medidas aprobadas polas autoridades sanitarias para facer fronte á covid-19, como o uso obrigatorio de máscara, o cumprimento da distancia de seguridade, así como o aforamento e o horario de peche dos locais e a prevención do botellón.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.