Un incendio nunha nave industrial de Mazaricos obriga a mobilizar ós bombeiros
O lume declarouse de madrugada nunha sala para afumar chourizos. Non hai feridos.
Por E.P. | SANTIAGO DE COMPOSTELA | 20/10/2020 | Actualizada ás 10:03
Equipos de extinción traballan para extinguir completamente un incendio declarado nunha zona de afumado de chourizos nunha nave de alimentación situada en Mazaricos. Segundo informou o 112, os efectivos de emerxencias, que controlaron o lume, procederon a desescombrar para finalizar a extinción do incendio que se salda sen persoas feridas.
Todo comezou ás 5,00 horas deste martes cando unha persoa particular chamou ao 112 Galicia para avisar dun lume nunha nave industrial do lugar de Beba. Por iso, avisouse aos Bombeiros de Santa Comba e aos membros do GES de Muros e buscouse o apoio dos Bombeiros de Cee e do Distrito de Incendios Forestais da zona por se fose necesaria a súa intervención.
Con todo, os medios mobilizados en primeiro lugar lograron controlar o incendio confinado nunha sala de afumados. Tras controlalo, procederon a realizar labores para apagar completamente o incendio, debido a que "existe moita temperatura", concretaron as mesmas fontes.
