Sabes cantas botellas de viño sairán da vendima da Ribeira Sacra?

A vendima na Ribeira Sacra concluíu coa recollida de 5,2 millóns de quilos de uva, que deixará unha produción de viño de 3,5 millóns de litros e 4,3 millóns de botellas. O presidente da Denominación de Orixe Ribeira Sacra, José Manuel Rodríguez, destacou que este foi "un ano máis curto na recollida, pero ao mesmo tempo foi "boa, porque o clima axudou".

Finalmente, colleitáronse 5,2 millóns de quilos de uva, que arroxan 3,5 millóns de litros de viño e un prezo por botella "entre cinco e seis euros", co que a facturación pode alcanzar "os 25 millóns de euros". En canto á calidade, Rodríguez subliñou que "as primeiras impresións son boas, porque a vendima si se fai con seca o resultado final é bo".

Doutra banda, asegurou que, "afortunadamente, na vendima non houbo ningún problema" de contaxios pola covid. Ao seu xuízo, é "unha cousa lóxica", posto que a recollida "é unha actividade que se fai ao aire libre e onde a xente está separada".

"A pouco que haxa un certo coidado son moi difíciles os contaxios. Ademais na Ribeira Sacra a vendima faise pola propia familia sen interrelación con máis xente e iso axuda a que non haxa eses problemas de contagios", concluíu o empresario lucense. Nesta denominación de orixe, son 96 as adegas as que participaron na recollida de uva.