A reserva dos encoros galegos sobe ata o 54,6%
En total son 2.028 hectómetros cúbicos de auga sobre os 3.030 posibles, segundo o boletín hidrolóxico semanal emitido polo Ministerio para a Transición Ecolóxica.
Por Europa Press / Redacción | SANTIAGO DE COMPOSTELA | 27/10/2020 | Actualizada ás 19:00
A reserva dos encoros galegos incrementouse na última semana en máis dun punto ata situarse no 54,6% da súa capacidade, con 2.028 hectómetros cúbicos de auga sobre os 3.030 posibles, segundo o boletín hidrolóxico semanal emitido polo Ministerio para a Transición Ecolóxica.
En concreto, os encoros da conca Miño-Sil aumentaron no últimos sete días en 37 hectómetros cúbicos, de forma que ascenden ao 53,3% da súa capacidade, cun total de 1.614 hectómetros cúbicos.
Esta cifra é superior á media da última década en Miño-Sil, pero atópase por baixo dos 1.781 hectómetros cúbicos existentes á mesma altura de 2019.
No tocante a Galicia Costa, a cantidade existente é de 414 hectómetros cúbicos --20 máis que hai unha semana--. Elévase ata o 60,5% da súa capacidade. Tamén supón máis que a media do últimos dez anos, pero menos que nesta semana de outubro en 2019.
