Por Europa Press / Redacción | SANTIAGO DE COMPOSTELA | 29/10/2020 | Actualizada ás 19:43
A Consellería de Sanidade iniciou os trámites para que o persoal de enfermaría poida prescribir fármacos. O paso prodúcese despois de que este xoves o BOE publicase a guía de medicamentos destinados á curación de feridas que poden ser recetados por profesionais da enfermaría.
Nun comunicado, a Administración autonómica explica que con este trámite búscase "recoñecer o traballo e labor asistencial deste colectivo, aumentando a súa capacidade resolutiva, responsabilidade e autonomía".
Así mesmo, Sanidade considera que este paso permitirá dar resposta ás necesidades de cada paciente, con especial atención nos casos de patoloxías crónicas e na prevención de enfermidades.
A decisión, segundo a Xunta, tamén repercutirá na formación dos pacientes e coidadores á hora de manexar os fármacos e na detección de posibles efectos adversos nos tratamentos.
O período de achegas e sugestiones ao borrador do decreto quedou aberto desde a súa publicación este xoves no Portal de Transparencia da Xunta e permanecerá operativo ata o próximo 12 de novembro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.