Por E.P. | SANTIAGO DE COMPOSTELA | 14/11/2020 | Actualizada ás 19:26
A Xunta activa este domingo o plan invernal de estradas na provincia de Pontevedra, que conta con máis de 100 profesionais repartidos en seis bases operativas nas que se dispón dunhas 1.400 toneladas de fundentes.
O dispositivo arrinca este domingo e manterase operativo ata o 30 de abril. Durante ese período velarán polas condicións das estradas un total de 32 máquinas, entre camións e esparcidores de sal, para atender case 1.300 quilómetros de vías de titularidade autonómica.
Tamén arrinca este domingo o plan especial na Coruña, mentres que en Lugo e Ourense atópase xa activo desde o pasado 1 de novembro, segundo informa a Administración galega, da que dependen máis de 5.500 quilómetros de estradas.
En total, existen 26 centros operativos na Comunidade galega, onde exercen 460 profesionais que velan polo estado e a seguridade nas estradas autonómicas, especialmente durante os meses de inverno, nos que a neve, o xeo e as precipitacións dificultan o tránsito para os condutores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.