74 concellos levan dúas semanas sen rexistrar casos de covid-19, 46 deles en Ourense
A metade dos concellos ourensáns non sumaron novos positivos nos últimos 14 días.
Por Europa Press / Redacción | Santiago de Compostela | 05/12/2020 | Actualizada ás 12:48
Galicia contabiliza este sábado un total de 74 concellos nos que non se rexistrou ningún caso de coronavirus nos últimos 14 días, o que implica o 23,6% dos 313 concellos galegos. De todas as localidades libres de covid-19, a gran maioría --un total de 46-- volve estar na provincia de Ourense.
Segundo o mapa que actualiza diariamente a Consellería de Sanidade, este número supón que o a metade, o 50% exacto, dos municipios ourensáns leva dúas semanas sen detectar positivos.
En concreto, son Allariz, A Arnoia, Baños de Molgas, Bande, Beade, A Bola, O Bolo, Carballeda de Valdeorras, Carballeda de Avia, Cartelle, Castrelo de Val, Castro Caldelas, Cenlle, Chandrexa de Queixa, Entrimo, Esgos, Gomesende, A Gudiña, O Irixo, Xunqueira de Ambía, Xunqueira de Espadañedo, Larouco, Laza, Lobeira, A Mezquita, Montederramo, Monterrei, Paderne de Allariz, Padrenda, Parada de Sil, A Peroxa, A Pobra de Trives, Pontedeva, Punxín, Quintela de Leirado, Rairiz de Veiga, Ramirás, San Xoán de Río, San Amaro, San Cibrao das Viñas, San Cristovo de Cea, A Teixeira, Verea, Vilar de Barrio, Vilar de Santos, Vilariño de Conso. Estes 46 concellos ourensáns libres de covid nos últimos 14 días son seis máis que os que figuraban no mapa hai unha semana.
Tras Ourense, está Lugo como segunda provincia con máis concellos que non detectaron casos de coronavirus en dúas semanas, un total de 18 --o 28,4% das 67 localidades que a compoñen--, catro máis que hai unha semana.
Trátase de Barreiros, Becerreá, Cervantes, Folgoso do Courel, A Fonsagrada, Navia de Suarna, Negueira de Muñiz, As Nogais, Ourol, A Pastoriza, Pedrafita do Cebreiro, Pol, A Pobra do Brollón, Ribas de Sil, Ribeira de Piquín, Sober, O Valadouro e O Vicedo.
Na Coruña, tan só catro dos 93 concellos da provincia --o 4,3%-- non detectaron casos de coronavirus en dúas semanas. Así, están libres do patóxeno Corcubión, Mañón, As Somozas e Toques.
Mentres tanto, na provincia de Pontevedra os municipios sen novas infeccións por covid en 14 días pasaron de dous a cinco na última semana --o 8,2%--: Campo Lameiro, Catoira, Dozón, Mondariz-Balneario e Oia.
