Sorprenden a un home en Ourense con 20kg de marihuana polo olor que desprendía o seu coche
O home, de 50 anos de idade, levaba a droga en bolsas de basura. Foi detido acusado de varios delitos.
Por E.P. | SANTIAGO DE COMPOSTELA | 10/12/2020 | Actualizada ás 10:18
Un home de 50 anos de idade foi detido pola Garda Civil tras ser sorprendido cando viaxaba no seu coche con tres bolsas de lixo que contiñan 20 quilos de marihuana. Diso informou na mañá deste xoves o Instituto Armado, que relata que o arrestado foi localizado nun control de alcohelemia instalado ás 21,00 horas do pasado martes na estrada OU-0526, que une as localidades de Ourense e Amoeiro.
No momento do alto, os axentes percibiron que do interior do vehículo saía un forte cheiro a cannabis, polo que inspeccionaron a carga que transportaba. Así, descubriron que o detido levaba consigo tres bolsas de lixo que contiñan plantas de marihuana que, unha vez pasadas pola báscula, arroxaron un peso de 20 quilogramos. Deste xeito, o home foi arrestado como presunto autor dun delito contra a saúde pública e tráfico de drogas.
