Lea entre deputados do PPdeG por unha camiseta que levou unha deputada do BNG no pleno

O presidente da Cámara permitiu a exhibición da prenda en apoio dos traballadores de Siemens Gamesa que o o portavoz do Grupo Popular, Pedro Puy, criticou.

Por Europa Press / Redacción | SANTIAGO DE COMPOSTELA | 22/12/2020 | Actualizada ás 17:17

Comparte esta noticia

O portavoz do PPdeG no Parlamento de Galicia, Pedro Puy, e o presidente da Cámara, o tamén popular Miguel Santalices, mantiveron unha lea á conta dunha camiseta que portou a portavoz do BNG en materia de enerxía, Noa Presas, no pleno da Cámara.

Por mor de diversas polémicas na lexislatura pasada, a Cámara impulsou unhas normas de "decoro" para o Pazo do Hórreo que, entre outras cuestións, trataban de impedir camisetas que puidesen ser ofensivas para terceiras persoas.

A deputada Noa Presas levou unha camiseta en apoio aos traballadores de Siemens Gamesa (SGRE) que colocou na tribuna. Santalices pediu vela e ela díxolle que "non era nada anticonstitucional".

Despois de observar a camiseta, autorizou a súa colocación, ante as protestas do portavoz do grupo maioritario, ao que el mesmo pertence. Precisamente, e apelando a esa norma, Puy insistiu nun acordo da xunta de portavoces que restrinxía tamén a colocación de carteis ou calquera outro símbolo na tribuna de oradores.

Noa Presas, ,deputada do BNG, coa camiseta en apoio aos traballadores de Siemens Gamesa. BNG
Noa Presas, ,deputada do BNG, coa camiseta en apoio aos traballadores de Siemens Gamesa. BNG | Fonte: Europa Press

Mentres facía memoria dese acordo, a parlamentaria nacionalista decidiu colocar a prenda e continuar a súa intervención ante as críticas de parte do PP.  

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

1 Rui do

Noa Presas: otro producto de la factoría UPG. Sin mucha formación, escasa experiencia laboral previa y sueldo sideral según lo que gana gallego medio de su edad.

1 Chistonis

Da UPG??? Vai durmir oh, que boa falta che fai!!!