Prisión provisional para un home que apuñalou a unha muller o día de ano novo en Ferrol
Está investigado por un delito de lesións con instrumento perigoso.
Por Europa Press / Redacción | SANTIAGO DE COMPOSTELA | 04/01/2021 | Actualizada ás 13:09
O maxistrado do Xulgado de Instrución número 1 de Ferrol, en funcións de garda, decretou prisión provisional comunicada e sen fianza para un home de 63 anos, acusado de apuñalar a unha muller o día de ano novo en Ferrol, un suceso ocorrido no barrio de Catabois.
Axentes da Policía Nacional, pertencentes á comisaría de Ferrol-Narón, trasladáronos á primeira hora da mañá deste luns, 4 de xaneiro, ao xulgado, tras varias horas detido en comisaría.
Segundo puido saber Europa Press o home levaba tres meses residindo nunha pensión de Ferrol, situada na rúa Carmen, xa que non é veciño desta cidade, e foi detido sobre as 21,00 horas do sábado 2 de decembro. Ademais, na mañá do domingo, sobre as 10,00 horas, os axentes e o detido, un home maior, regresaron ao establecemento hostaleiro, onde permaneceron durante aproximadamente unha hora.
AGRESOR E VÍTIMA COÑECÍANSE
As mesmas fontes consultadas trasladaron que presunto agresor e a vítima coñecíanse e, ademais, a parella sentimental da muller apuñalada tiña certa amizade co detido. Todos eles eran usuarios dun comedor social da cidade.
Mentres, a muller continua recuperándose das lesións e feridas o Hospital Arquitecto Marcide de Ferrol, onde foi trasladada e onde, nun primeiro momento, permaneceu en coidados intensivos.
