Un convenio entre Concello e Xunta permitirá a construción do auditorio de Marín

O Goberno galego axudará a financiar o auditorio municipal de Marín a través dun convenio de colaboración económica para "dotar ao concello dunha infraestrutura acorde á demanda cultural". Tras a entrega do proxecto por parte do Concello, e unha vez se teña o plan definitivo, municipio e Xunta traballarán no acordo de financiamento do auditorio.

Así o comunicou este venres o vicepresidente primeiro da Xunta de Galicia, Alfonso Rueda, na súa visita a Marín na que, acompañado pola delegada territorial do Goberno autonómico en Pontevedra, Luisa Piñeiro, e da alcaldesa, María Ramallo, inspeccionou o estado doutras actuacións levadas a cabo polo Executivo galego no municipio, como a mellora da iluminación pública, no que se investiron máis de 66.200 euros.

Estas renovacións no sistema de iluminación levaron a cabo en Mogor, onde a Administración colaborou a través da Orde de Infraestruturas de uso público, "destinada a crear, mellorar ou reformar infraestruturas básicas de servizos municipais", cun orzamento total de catro millóns de euros. Tamén a iluminación da zona de San Pedro foi renovado, financiado a través do Fondo de Compensación Ambiental, "que en 2020 estivo dotado con 12, 5 millóns de euros".

A este respecto, Alfonso Rueda destacou a importancia de colaboración cos concellos para que se executen proxectos que respondan as demandas dos municipios, "que son os que mellor coñecen onde poden ter máis impacto e beneficiar á cidadanía".

Marín, en Pontevedra | Fonte: terrasdepontevedra.org