Por E.P. | Sada | 19/01/2021 | Actualizada ás 19:01
O alcalde de Sada, Benito Portela, trasladou a súa satisfacción pola apertura dos exteriores do Pazo de Meirás o próximo 30 de xaneiro a pesar das limitacións pola pandemia que farán que, inicialmente, só poida ser visitado polos veciños desta localidade debido ao peche perimetral do concello.
Tas a reunión da comisión técnica na que se acordou esa data para abrir os exteriores e expúxose a segunda quincena de marzo para a apertura do interior do inmoble de estar garantidas as condicións de seguridade.
O rexedor confirmou que será unha apertura do pazo, tras a súa entrega ao Estado de forma provisional, "aos poucos". "Ir avanzando para o 15 de marzo", dixo sobre a data que se manexa para a apertura do interior.
Por outra banda, dixo que, cando llo remitan, analizarán o borrador de convenio que lles fará chegar o Goberno e que determinará o papel de cada administración. En canto ás visitas, sinalou que serán "limitadas os primeiros días polo peche perimetral", que comezará o xoves neste concello.
Pola súa banda, o presidente da Deputación da Coruña, Valentín González Formoso valorou "os avances que se produciron no encontro".
"Tanto para reabrir o pazo á cidadanía, respectando as limitacións da situación sanitaria actual, como en algo tan importante como a creación da comisión de expertos que determinará os futuros usos do edificio, entre os que debe figurar a memoria democrática", incide.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.