A Xunta carga contra a "falta de sensibilidade" da UE polas negociacións pesqueiras do Brexit

O Bloque demanda unha "ofensiva política" para compensar as posibles perdas derivadas do acordo.

Por E.P. | SANTIAGO DE COMPOSTELA | 04/02/2021 | Actualizada ás 14:03

Comparte esta noticia

A directora xeral de Pesca, Acuicultura e Innovación Tecnolóxica da Xunta, Mercedes Rodríguez, incidiu na necesidade de que a negociación para a fixación de stocks pesqueiros con Reino Unido sexa realizada con "transparencia" por parte da Comisión Europea e que non se "prime" o alcance dunha maior poboación de recursos pesqueiros sobre a actividade económica que xeran.

Tras cuestionar que "en 48 horas se determine o que pode pescar toda a frota da UE ao ano seguinte", recalcou a importancia de "esixir transparencia" á Comisión Europea en relación ás reunións que debe manter con Reino Unido para a fixación inicial de stocks e que a súa determinación "non sexa algo automático".

A directora xeral de Pesca, Acuicultura e Innovación Tecnolóxica tamén reprobou a "falta de sensibilidade" da Comisión Europea en relación a fixación das posibilidades de pesca para 2021 nas augas do Cantábrico-Noroeste e Francia e acusouna de non contemplar as consecuencias económicas da pandemia e a súa afectación á actividade da frota.

En concreto, o acordo inclúe os totais admisibles de capturas (TAC) e cotas do Cantábrico-Noroeste e augas de Francia, pero non os compartidos con Reino Unido, polo que se reducen a 17 pesqueiras. Ademais, para as augas de Gran Sol asignáronse o 25% das cotas de 2020 durante o primeiro trimestre do ano á espera da fixación das posibilidades de captura para o resto do ano mediante a negociación que deben manter Reino Unido e a Comisión Europea.

Actividade pesqueira en barco pesqueiro. CEPESCA
Actividade pesqueira en barco pesqueiro. CEPESCA

O BNG PIDE UNHA "OFENSIVA POLÍTICA"

A portavoz nacional do BNG, Ana Pontón, propuxo realizar unha "ofensiva política" que permita minimizar o impacto negativo do brexit na frota galega, cunha "compensación real" das perdas do sector pesqueiro, unha repartición "xusta" das cotas, e o avance cara ao recoñecemento de Galicia como "nación altamente dependente da pesca".

Así mesmo, considerou que o segundo punto no que se debe avanzar no marco desta "ofensiva política" é o recoñecemento de Galicia como "nación altamente dependente da pesca", unha consideración que, segundo indicou, "teñen outros territorios" con "menos dependencia" desta actividade. Tras iso, tamén apostou por camiñar cara a un "reparto xusto" das cotas de pesca. E é que, "máis aló do que significa o brexit", a líder do Bloque considera que non se pode esquecer que Galicia "sempre" resulta "prexudicada" pola repartición da Unión Europea.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta