A pandemia provoca unha caída do 41% dos viaxeiros de bus urbano en Galicia en 2020

Galicia rexistrou máis de 35 millóns de viaxeiros en bus urbano en 2020, o que supón un afundimento do 41,3% respecto ao ano anterior, segundo os datos publicados este xoves polo Instituto Nacional de Estatística (INE).

Nun ano marcado pola pandemia, Galicia comezou 2020 con máis de cinco millóns viaxeiros de bus tanto en xaneiro como en febreiro, pero o impacto do coronavirus provocou unha drástica caída nos meses de confinamento (pouco máis de medio millón de persoas en abril).

Este afundimento en Galicia (-41,3%) é menor ao que se produce na media de comunidades (-44,8%). O descenso máis acusado rexístrase en Navarra (-50%), mentres o menor prodúcese en Canarias (-35,6%).

No tocante ao último mes do ano, as 3,2 millóns de persoas transportadas en buses urbanos en Galicia son un 37,7% menos que en decembro de 2019. Esta taxa é lixeiramente inferior á baixada media no país (-38,2%).

O BNG pide máis autobuses á UDC para cumprir o protocolo Covid. BNG | Fonte: Europa Press