Feijóo renomea ao BNG coma "Bloque Independentista Galego" pola deriva pro ERC, Bildu e CUP
Di que as alianzas do Bloque cos partidos independentistas cataláns e vascos e "calafriante".
- Por que Feijóo ataca agora a Pontón?... Estas son as estratexias nas que participan os poderes mediaticos
- Feijóo compara a Ana Pontón con Beiras e Quintana: "Nin eles tiñan posturas tan radicais"
- Nace unha nova organización independentista para "afortalar o BNG desde posicións revolucionarias"
Por Galicia Confidencial | Compostela | 04/03/2021 | Actualizada ás 18:07
A aparición dun novo grupo dentro do BNG que aposta polo soberanismo e o independentismo, o Movemento Arredista, serviulle novamente ao presidente da Xunta, Alberto Núñez Feijóo, para arremeter contra a formación que lidera Ana Pontón. Unhas críticas que chegan tras o dure cruce de acusacións que mantiveron os dous líderes políticos a conta dos acordos do BNG con independentistas vascos e cataláns, pero que foron acollidos de xeito moi morno polos grandes medios galegos pola virulencia dos ataques de Feijóo contra Pontón.
"Iso xa é unha constante nese partido e, como galego, non teño ningún interese en que a segunda forza galega sexa independentista", dixo. "Pero polo que di e fai entrou xa nunha deriva independentista e xa podía ir pensando en mudar de nome cara ao de Bloque Independentista Galego para aclararllelo aos galegos", chanceou.
Neste sentido, volveu lembrar os acordos e pactos entre o BNG e forzas soberanistas catalás e vascas, como Bildu, ERC ou as CUP. A última un manifesto lido conxuntamente no Congreso durante a conmemoración do 23F. "É calafriante para os galegos que non están de acordo con esa radicalización", espetou.
