As residencias de maiores de Galicia mantéñense en 42 contaxios, un mínimo histórico
Nas últimas horas reixstrouse un novo positivo e unha alta que deixan o total de casos na mesma cifra do mércores.
Por E.P. | SANTIAGO DE COMPOSTELA | 18/03/2021 | Actualizada ás 13:23
Os casos activos de Covid-19 nas residencias de maiores de Galicia mantéñense sen cambios en 42, tras un positivo nun traballador e un alta dun usuario, dos que 39 se corresponden con usuarios e tres a persoal. Todos eles concéntranse en catro centros.
Segundo os datos actualizados este xoves polas consellerías de Política Social e Sanidade, rexistrouse un positivo nun traballador da Residencia Coviastec de Silleda, cun brote con máis dunha trintena de casos, e sae da lista por negativizar un usuario da Santa Mariña de Xinzo de Limia.
Deste xeito, a Residencia Coviastec de Silleda mantense como o centro con máis casos activos entre usuarios, cun brote de 33 positivos; mentres que o da Residencia Santa Mariña de Xinzo de Limia baixa a catro casos; e con dous segue a DomusVi Laraxe de Cabanas. Pola súa banda, os traballadores contaxiados destas instalacións increméntanse a tres, un na Residencia de Maiores de Caranza e dúas na Coviastec de Silleda. En canto aos centros de discapacidade seguen sen presentar ningún caso entre os seus usuarios nin entre os seus traballadores.
