Feijóo, de defender o reintegracionismo a dirixirse en castelán a Portugal

Logo fará xa dez anos desa xornada na que un Feijóo, que atravesaba o seu primeiro mandato, defendía --se cadra sen ser totalmente consciente das súas palabras-- as teses do reintegracionismo galego-portugués. Foi nun programa da cadea tradicionalista Intereconomía. Feijóo recibiu críticas por supostamente non dar dereitos suficientes aos castelanfalantes e rematou alabando as posibilidades do galego á hora de establecer comunicación coa poboación de Portugal, Brasil, Mozambique, etc.

Quizais cambiou algo na última década, porque o Presidente da Xunta decidiu empregar o castelán o pasado mércores para destacar a importancia de establecer "alianzas" con Portugal. O mandatario galego aludía directamente a ese eixo ferroviario atlántico que permitiría ir de Vigo ao Porto en 60 minutos e viceversa.

O emprego do castelán neste contexto valeulle non poucas críticas a Núñez Feijóo: "O vínculo co Norte de Portugal tamén se reforza usando o galego como vía de comunicación", incidía unha usuaria. Outro preferiron tirar de retranca ante a situación: Os portuenses entenden moito mellor o inglés. Fale ben, non sexa Vde. bárbaro".

Hace tiempo que los gallegos tenemos claro que parte de nuestra fortaleza reside en la alianza con el Norte de Portugal.

Ese vínculo queremos reforzarlo con la línea de Alta Velocidad entre Vigo y Oporto, un objetivo irrenunciable que conectará ambas urbes en 60 minutos pic.twitter.com/naAbHcIyZX

— Alberto Núñez Feijóo (@FeijooGalicia) March 24, 2021

Ao mellor vostede non sabe que compartimos lingua

— 6996 (@123ACcreed) March 24, 2021

O vínculo co Norte de Portugal tamén se reforza usando o galego como vía de comunicación; debe ser o nexo común coas culturas lusófonas, un símbolo d identidade propia, o patrimonio lingüístico q amose a nosa esencia como sociedade e q nos enriqueza hoxe e nun futuro como pobo.🧠

— Cris L. Graça (@CrisEleGue) March 24, 2021