Investigadores galegos avanzan no coñecemento do principal factor de risco de glaucoma
O estudo desenvolvido deita luz sobre a síndrome da exfoliación.
- O cambio climático, un dos grandes perigos para os mariscos e moluscos galegos
- Case 40 investigadores da USC están entre o 2% dos científicos máis citados e influentes do mundo
Por Europa Press / Redacción | SANTIAGO DE COMPOSTELA | 31/03/2021 | Actualizada ás 20:01
Os científicos da Universidade de Santiago de Compostela Antonio Salgas e Federico Martinón participan nunha investigación internacional que logrou avances no coñecemento da xenética da síndrome de exfoliación, que constitúe o factor de risco máis común de glaucoma e a maior causa de cegueira.
O equipo do que forman parte Salas e Martinón comprobaron que a expresión xenética o xene 'CYP39A1' está vinculada co risco de padecer a enfermidade, segundo informa nun comunicado a Universidade compostelá en referencia aos resultados deste estudo pioneiro que foi publicado no Journal of the American Medical Association.
A síndrome analizada caracterízase por unha acumulación anormal de material extracelular en varios tecidos (exfoliación), e o seu prognóstico é moito peor que outras formas de glaucoma. O estudo, desenvolvido entre máis de 4.000 pacientes con síndrome de exfoliación e outras 5.600 persoas sen a enfermidade, permitiu avanzar na secuenciación destes xenomas.
Así, a investigación logrou o "máximo nivel de resolución" no estudo dos exomas, a parte que conteñen todos os xenes do ADN dun individuo. Isto, en palabras dos investigadores, supón alcanzar "un volume de datos extraordinario que representa o reto máis importante nestes proxectos de investigación".
