Arquivado o expediente sobre o antigo edificio Fenosa da Coruña
É un asunto xa finalizado", dixo recoñecendo dixo a alcaldesa da Coruña, Inés Rey, o "proceso longo" que supuxo este caso, inmerso durante máis de 20 anos en procesos xudiciais.
Por E.P. | SANTIAGO DE COMPOSTELA | 07/04/2021 | Actualizada ás 14:12
A Xunta de Goberno do Concello da Coruña tomou coñecemento este mércores do arquivo do expediente fronte a "eventuais responsabilidades dos arquitectos" en relación co proxecto do antigo edificio de Fenosa.
Así o confirmou a alcaldesa, Inés Rey, a preguntas dos xornalistas. "É un asunto xa finalizado", dixo recoñecendo o "proceso longo" que supuxo este caso, inmerso durante máis de 20 anos en procesos xudiciais e cunha sentenza que obrigaba á derriba do edificio, cuxa licenza se concedeu durante a etapa de goberno do exalcalde Francisco Vázquez.
Finalmente, o Tribunal Superior de Xustiza de Galicia (TSXG) aceptou, en 2019, o acordo alcanzado entre as partes: a comunidade de propietarios, o denunciante e o concello.
Mediante o mesmo, determinouse "a substitución da execución in natura por unha serie de medidas", entre eles o pago dunha indemización ao denunciante e o compromiso por parte do consistorio de promover un edificio de vivendas sociais.
