Galicia figura entre as comunidades con menor risco de infección por covid-19
Madrid, Navarra e País Vasco, xunto ás cidades autónomas de Ceuta e Melilla sitúanse xa no escenario de 'risco extremo' de transmisión.
- Desenvolven en Galicia un método para detectar as cepas brasileira e surafricana nas augas residuais
- Novo protocolo covid-19 da Xunta, a máscara para deporte individual ao aire libre non será obrigatoria desde o luns
Por Europa Press / Redacción | SANTIAGO DE COMPOSTELA | 09/04/2021 | Actualizada ás 19:16
Galicia se encuentar entre as comunidades con menor risco de transmisión da covid-19. Segundo os datos achegados este venres polo Ministerio de Sanidade, os territorios de menor taxa de incidencia a 14 días son a Comunidade Valenciana, con 34,92 casos por cada 100.000 habitantes; Baleares, con 65,81 casos; Murcia, con 68,16 casos; e a comunidade galega, con 70,29 casos.
Madrid, Navarra e País Vasco, xunto ás cidades autónomas de Ceuta e Melilla sitúanse xa no escenario de 'risco extremo' de transmisión de coronavirus fixado no documento de 'Actuacións de resposta coordinada para o control da transmisión de COVID-19'.
Aínda que a nivel nacional a incidencia acumulada a 14 días sitúase nos 182,09 casos por cada 100.000 habitantes, o que sitúa a España en risco alto de contaxios de Covid-19 (entre 150 e 250 casos), estas rexións superan con fartura esta cifra, situándose, no caso de Melilla nos 494,97 casos ou en Ceuta nos 465,55, o que as sitúa no 'risco extremo' fixado a partir dos 250 casos.
Así mesmo,, en Navarra a incidencia sitúase nos 394,59 casos por cada 100.000 habitantes; en Madrid nos 324,31 casos; e no País Vasco nos 295,34 casos. Nun nivel de risco alto sitúanse Andalucía (189,90), Aragón (201,82), Asturias (162,74), Castela e León (187,44), Cataluña (199,279) e A Rioxa (202,24).
Finalmente, o informe de Sanidade mostra que Canarias ten unha incidencia acumulada a 14 días de 126,11 casos; Cantabria de 144,11; Castela-A Mancha de 142,58 e Estremadura 132,05.
