5.700 doses de Pfizer para vacinar a maiores de 75 anos na área de Pontevedra e O Salnés

A área Sanitaria de Pontevedra e O Salnés administrará máis de 5.700 doses da vacina fronte á Covid-19 de Pfizer a persoas maiores de 75 anos durante esta semana.

Segundo informou o Sergas, entre o 12 e o 18 de abril esta área sanitaria prevé empregar 474 dose de Pfizer na "repesca" de persoas de 75 a 79 anos, en hospitais.

A estas súmanse 2.562 dose de Pfizer para maiores de 80 anos a administrar de luns a venres nos centros de saúde e 5.000 da mesma compañía para persoas de 75 a 79 anos, que serán inoculadas este martes e mércores en grandes superficies, segundo indicaron as mesmas fontes.

A estas vacinas, matiza o Sergas, hai que engadir as que levarán a cabo en domicilios a persoas inmobilizadas e grandes dependentes desta área sanitaria pontevedresa.

A semana pasada, do 5 ao 11 de abril, esta área administrou 6.377 dose de Pfizer a maiores de 80 anos de luns a venres en centros de saúde; 9.010 desta mesma empresa a persoas de 75 a 79 anos de xoves a domingo en grandes superficies; e 7.750 de AstraZeneca a cidadáns entre 60 e 65 anos, o que supuxo 23.137 administradas.

Indicación de `Vacinación Covid´ no exterior do Instituto Feiral de Vigo (Ifevi), en Pontevedra, Galicia (España), a 13 de marzo de 2021. Un total de 4.400 persoas serán inmunizadas por un equipo de 60 profesionais sanitarios que administrarán vaina. Europa Press | Fonte: Europa Press