A fin de semana saldouse con 48 accidentes de tráfico e unha vítima mortal
O 061 atendeu a 63 persoas en accidentes de tráfico durante a fin de semana en Galicia.
Por E.P. | SANTIAGO DE COMPOSTELA | 19/04/2021 | Actualizada ás 12:10
Urxencias Sanitarias de Galicia-061 atenderon a 63 persoas debido a 48 accidentes de tráfico rexistrados durante a fin de semana pasada, das que unha morreu no lugar do sinistro.
Segundo informou o 061, a Central de Coordinación recibiu 56 chamadas en relación con accidentes de tráfico entre as 15,00 horas do venres 16 de abril e as 23,59 horas do pasado domingo. O domingo foi a xornada con máis sinistros, con 18.
Os recursos sanitarios mobilizados polo 061 ascenderon a 57. Do total, 53 corresponderon a ambulancias; mentres que o helicóptero medicalizado asistiu nunha ocasión e os equipos sanitarios de Atención Primaria prestaron asistencia en tres accidentes. En 56 casos os feridos foron levados aos centros sanitarios correspondentes, en seis ocasiones recibiron atención no lugar do accidente e unha persoa faleceu no punto do sinistro.
A proporción de homes atendida ascendeu ao 64,5 por cento e a de mulleres reduciuse a un 35,5%. En canto ás idades dos feridos, o 32% dos asistidos tiña entre os 20 e 34 anos. A provincia da Coruña, con 21 accidentes, foi a que rexistrou máis sinistros durante os desprazamentos do fin de semana; seguida da de Pontevedra, con 17; Lugo, con seis; e Ourense, con catro.
