Caballero: Feijóo e Baltar quedarán como "grandes mentirosos" se non apoian unha moción contra Jácome
O secretario xeral do PSdG, asegura que "se Feijóo ten a indignidade de tentar eliminar ao que é o candidato máis votado da cidade, demostrará que se trata do PP máis antidemocrático de España".
- O PP Ourense lanza un órdago ao PSdeG e pide a Villarino que entregue a acta
- Villarino renuncia a ser alcalde de Ourense para obrigar ao PP a asinar a moción de censura contra Jácome
Por Europa Press / Redacción | SANTIAGO DE COMPOSTELA | 21/04/2021 | Actualizada ás 18:28
O secretario xeral do PSdeG, Gonzalo Caballero, trasladouse a Ourense para apoiar a Rafa Villarino tras a súa decisión de apartarse, cumprindo o requisito do PP, para asinar a moción de censura contra o alcalde, Gonzalo Pérez Jácome (Democracia Ourensana). Alí, advertiu que se o líder do PPdeG e presidente da Xunta, Alberto Núñez Feijóo, e o presidente provincial, Manuel Baltar, non propician o cambio político "quedarán retratados como os grandes mentireiros da historia política da cidade".
Neste sentido, Caballero subliñou que "xa non teñen escusas nin pretextos e teñen que decidir se queren sacar a Ourense da parálise ou van seguir sendo responsables desta situación de esperpento".
Do mesmo xeito, lembrou que Baltar dixo no seu momento que en cinco minutos se resolvería o cambio político de Ourense se Villarino accedía a non ser o candidato, cumpríndose o órdago Caballero tachou de "harakiri político" por non propiciar o cambio por parte do PP, "os ourensáns e ourensás saben quen son os responsables do caos". Nesta mesma liña, sinalou a Baltar e Feijóo expondo que, en caso de non asinar, "quedan retratados como os grandes mentireiros da historia política da cidade".
"Están a tentarnos enredar a todos, tómannos o pelo. Cada día piden unha cousa e o que queren é manter a Jácome, que o poñan como referente do Partido Popular e no próximo congreso que teña Feijóo que o converta en vicepresidente do partido en Galicia", opinou Gonzalo Caballero
Así, manifestou que, "se Feijóo ten a indignidade de tentar eliminar ao que é o candidato máis votado da cidade, demostrará que se trata do PP máis antidemocrático de España, que ademais do caciquismo de Baltar, quere esixir determinadas cuestións que non son de recibo nunha democracia".
ACTA
Esta mesma mañá, o Partido Popular expuxo que para que Villarino "se aparte en serio" é necesario que entregue a súa acta de concelleiro. Preguntado por isto Caballero trasladou "o que diga por aquí unha concelleira non lle fago ningún caso, tampouco cando fala un concelleiro, non teñen peso, iso decídeo Feijóo e Baltar".
Pola súa banda, Rafa Villarino subliñou que o que está a facer o Partido Popular "é unha falta de respecto á cidadanía" engadindo que "esperaba unha mentira menos basta". Afirmando que non entregará a súa acta de concelleira.
"Tamén terei que consultarlles se vou ter pasaporte comunitario ou extracomunitario. Están a provocar un éxodo político de todas aquelas persoas que estorbamos, eu non me vou a ir do Partido Socialista e tampouco da corporación municipal", censurou Villarino.
En canto aos candidatos alternativos, Caballero asegurou que o Partido Socialista "ten un conxunto de concelleiros que darán magníficos alcaldes e alcaldesas", aseverando que o posicionamento tomado por Rafa Villarino "é o exemplo de que para a agrupación os proxectos colectivos están por encima das individualidades".
