Por que coreanos do Norte cantan en galego?
Un vídeo de artistas coreanas cantando a popular canción "vai lavar a cara" está circulando polas redes causando sorpresa entre os usuarios.
Por Galicia Confidencial | SANTIAGO DE COMPOSTELA | 28/04/2021 | Actualizada ás 15:00
O delegado especial do comité de Relacións Culturais no Estranxeiro da República Democrática Popular de Corea compartía no seu perfil de twitter un vídeo de artistas do país cantando a popular canción "Vai lavar a cara", acompañada do jkayagum, unha cítara tradicional.
O vídeo subiuse a Youtube no 2017 e actualmente circula polas redes sociais. Ante a sorpresa dos usuarios, moitos son os que se preguntan pola súa orixe e contexto. A actuación enmárcase dentro da programación do Xacobeo de 1993, ano no que se potenciaron os intercambios culturais, musicais e festivais para promover os intercambios co exterior. Entre estes festivais destacaron o Festival Internacional de Músicas do Camiño, que reuniu a máis de tres mil músicos e 70 grupos internacionais.
