O TSXG condena a Seaga a devolver ao persoal os 8 días de permiso retribuído recuperable do confinamento
A empresa pública descontáraos das vacacións e asuntos propios en 2020.
Por E.P. | Santiago de Compostela | 05/05/2021 | Actualizada ás 17:15
A Sala do Social do Tribunal Superior de Xustiza de Galicia (TSXG) condenou a empresa pública Seaga a devolver aos traballadores os oito días de permiso retribuído recuperable do confinamento descontados das vacacións e asuntos propios do ano 2020.
Así o sinala nunha sentenza con data do pasado 26 de abril de 2021, na que estima parte dunha demanda do sindicato nacionalista CIG ao declarar nula a decisión de Seaga por considerar que os brigadistas prestan unha actividade excluída deste permiso. Por iso, recoñece o dereito dos afectados a gozar de vacacións e asuntos propios do ano 2020 de forma íntegra e sen deducións.
Respecto diso, a CIG celebrou que se garantan os dereitos laborais do persoal de Seaga fronte ás "decisións arbitrarias adoptadas pola dirección, coa inestimable colaboración de certas centrais sindicais colaboracionistas".
