15 persoas detidas por tráfico de drogas en Vilagarcía enfróntanse a penas de ata 7 anos
Nalgúns casos, tamén se lles imputa un delito de integración en grupo criminal e outro de tenencia de armas.
Por Europa Press / Redacción | VILAGARCÍA DE AROUSA | 13/07/2025 | Actualizada ás 12:10
A Audiencia Provincial de Pontevedra acollerá o vindeiro martes o xuízo contra 15 acusados para os que piden ata sete anos e nove meses por participar nunha rede de tráfico de drogas. Nalgúns casos, tamén se lles imputa un delito de integración de integración en grupo criminal e outro de tenencia de armas. Segundo o escrito da Fiscalía, os feitos ocorreron entre os meses de agosto de 2020 e 2021 entre Vigo e Pontevedra. Durante ese tempo, os acusados levaron a cabo unha actividade sostida de provisión e comercialización de sustancias estupefacientes, en concreto cocaína e heroína, que era distribuída lucrativamente a dispensadores últimos e consumidores finais de tales sustancias.
Os roles ocupados polos acusados na rede eran diferentes: desde a coordinación cos provedores, como a propia provisión e a distribución das sustancias aos clientes finais. Este relato é froito dunha investigación desenvolvida por persoal da Unidade de Droga e Crime Organizado (UDYCO) de Pontevedra e da Garda Civil, na que realizaron diversas vixilancias e seguimentos, onde puideron incautar diferentes sustancias.
En consecuencia, o Ministerio Fiscal pide para os 15 acusados catro anos de prisión, nalgúns casos, e catro anos e seis meses, noutros, por un delito contra a saúde pública referido a substancias que causan grave dano á saúde. Así mesmo, solicita para 13 do total de implicados un ano e tres meses por un delito de integración en grupo criminal.
Ademais, no marco da investigación, realizáronse ata sete rexistros nos domicilios dos acusados. Nun deles identificáronse catro pistolas sen as correspondentes licenzas de uso e guías de pertenza. Por iso, a Fiscalía pide para dúas dos acusados dous anos máis de prisión. En ambos os casos, as penas esixidas son de sete anos e nove meses.
