O Concello da Coruña asina un convenio para evitar a violencia filo-parental durante este ano
O Consello de Ministros autorizou a celebración de sete contratos para a execución de diversas operacións de conservación e explotación en estradas do Estado, entre as beneficiadas está a provincia da Coruña.
Por E.P. | MADRID | 11/05/2021 | Actualizada ás 18:42
A concelleira de Benestar Social, Yoya Neira, e o director territorial de Galicia da Fundación Amigó, José Antonio Morala, asinaron un convenio de colaboración para financiar o programa 'Convivindo' de prevención da violencia filio-parental durante este ano.
No acto, que tivo lugar no Palacio Municipal de María Pita, tamén estivo presente o presidente a nivel estatal da Fundación Amigó, Jesús Maria Echechiquia.
Tras a firma, Yoya Neira sinalou que "é a primeira vez que o Concello da Coruña colabora nun proxecto para previr a violencia filio-parental" para, dixo, "dar resposta a necesidades que están aí". "É unha realidade que adoita ocorrer de portas dentro", remarcou.
O proxecto 'Convivindo' é unha proposta socioeducativa e terapéutica que pretende ofrecerlles unha resposta especializada a aquelas familias que se atopan en situación de exclusión debido as situacións de conflito entre as e os proxenitores e as súas fillas e fillos.
O programa divídese en dúas liñas de actuación: orientación e sensibilización (talleres e actividades de prevención e sensibilización co fin de evitar e minimizar os conflitos familiares) e de intervención socioeducativa e terapéutica (atención ás familias en conflito nas que xa está presente algunha forma de violencia filio-parental ascendente).
Desde a Fundación Amigó explicaron que a entidade comezou a súa andaina na prevención da violencia filio-parental no ano 2017 atendendo a 42 persoas usuarias directas e 17 familias. Desde esa data, as cifras foron aumentando ata chegar a atender no que vai de ano 71 consultas só na Coruña.
SEGURIDADE VIARIA
Noutra orde de cousas, e con motivo da celebración da sexta Semana Mundial da Seguridade Viaria de Nacións Unidas, os concelleiros de Mobilidade e Seguridade Cidadá, Juan Díaz Villoslada e Juan Ignacio Borrego participaron con Stop Accidentes nunha xornada divulgativa sobre 'Coruña 30'.
Os responsables municipais, coincidindo coa posta en marcha da nova normativa de Tráfico que limita a velocidade a 30 quilómetros por horas, expuxeron aos escolares as vantaxes de reducir a velocidade
MANTEMENTO DE ESTRADAS
O Consello de Ministros autorizou a celebración de sete contratos para a execución de diversas operacións de conservación e explotación en estradas do Estado nas provincias da Coruña, Asturias, Conca, Huelva, Murcia, León e Valladolid, cun valor estimado global de 160 millóns de euros. No caso da provincia da Coruña o importe é de case 23 millóns de euros.
Estes contratos enmárcanse dentro do programa de conservación e explotación de estradas do Ministerio de Transportes, Mobilidade e Axenda Urbana, que permite manter a vialidad na Rede de Estradas do Estado para que sexa accesible en adecuadas condicións para os cidadáns.
O novo modelo de contratos de servizos para a execución de operacións de conservación e explotación persegue ofrecer un servizo integral de mobilidade ao usuario, mellorar o estado da estrada e da rede, optimizar os recursos públicos e reforzar a orientación cara aos Obxectivos de Desenvolvemento Sustentable (ODS).
