Por Europa Press / Redacción | SANTIAGO DE COMPOSTELA | 21/05/2021 | Actualizada ás 20:07
A Consellería de Sanidade non notifica falecidos con coronavirus este venres. Deste xeito, o total de vítimas desde o inicio da pandemia mantense en 2.410 en Galicia.
A última defunción comunicada produciuse o pasado xoves, unha muller de 91 anos que estaba ingresada no Complexo Hospitalario de Pontevedra (CHOP).
Mentres, Galicia encara o final da segunda semana sen estado de alarma cunha tendencia de casos activos de covid-19 en descenso ata os 2.675, así como un alivio da presión hospitalaria ao reducirse a 146 os pacientes ingresados por coronavirus, 14 menos que a xornada pasada. Ademais, os novos contaxios reducíronse lixeiramente a 176, sete menos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.