Por Europa Press / Redacción | SANTIAGO DE COMPOSTELA | 24/05/2021 | Actualizada ás 19:55
O Servizo Galego de Saúde (Sergas) realizou un total de 53.437 probas diagnósticas entre PCR e test rápidos de antígenos na semana do 14 ao 20 de maio, segundo os datos que recolle o Ministerio de Sanidade no informe deste luns.
Pola súa banda, o Diario Oficial de Galicia (DOG) na súa edición bis do pasado venres 21 de maio recollía que na semana anterior, entre o 8 e o 14 de maio, en Galicia levaron a cabo 68.497 probas, entre PCR e test de antíxenos.
As probas que recolle o ministerio non inclúe o test en saliva, unha cuestión da que precisamente o Goberno galego, co seu presidente, Alberto Núñez Feijóo, á cabeza, quéixase porque non recolle, aseguran as autoridades sanitarias autonómicas, a intensidade do "esforzo" en detección de casos.
Ata o 20 de maio, Galicia realizou 2.701.689 probas desde o inicio da pandemia, cunha taxa por cada mil habitantes do 1.001,08. No período entre o 14 e o 20 de maio, a Comunidade galega sumou un total de 40.262 PCR e 13.175 test de antíg¡xenos.
DATOS XERAIS
Segundo o informe do ministerio, España realizou máis de 42,8 millóns de probas diagnósticas desde que comezou a pandemia de COVID-19. Concretamente, as comunidades autónomas notificaron ao Ministerio de Sanidade que, ata o 20 de maio, levaron a cabo un total de 42.846.660 probas diagnósticas, das cales 31.853.049 son PCR e 10.993.611 son test de antígenos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.