Por E.P. | Santiago de Compostela | 03/06/2021 | Actualizada ás 20:30
O Diario Oficial de Galicia (DOG) publicou este xoves a resolución das axudas aos proxectos de fomento do uso do galego dos centros de titularidade pública de Galicia non universitarios, para o curso escolar 2020/2021.
Diso informou a Consellería de Cultura, Educación e Universidade nun comunicado, no que destaca que destina un total de 350.000 euros a esta orde de axudas para favorecer e contribuír ao financiamento das actividades que realizan os equipos de dinamización do galego e o profesorado responsable de cada proxecto de fomento desta lingua durante o curso.
En concreto, benefícianse 815 centros educativos que contan con menos de seis unidades nas provincias da Coruña (328 centros), Lugo (103 centros), Ourense (73 centros) e Pontevedra (311 centros).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.