Falecen dúas persoas que foran diagnosticadas con COVID, o que suma un total de 2.426 mortes

Galicia contabiliza xa un total de 2.426 falecementos vinculados á pandemia despois de que nas últimas horas as autoridades sanitarias informasen de dous novos decesos.

Estas mortes rexistráronse o pasado xoves día 3 en Santiago e Cee. Trátase dun home de 73 anos hospitalizado no CHUS e unha muller de 67 anos ingresada no Virxe da Xunqueira.

Ambos os pacientes tiñan patoloxías previas, segundo Sanidade, que notificou falecementos vinculados á pandemia todos os días desta semana.

Respiradores ou equipos de Respiración instalados nas UCIS para facer fronte ao coronavirus | Fonte: EFE