Outro día sen falecidos con covid

A Consellería de Sanidade non comunicou o falecemento de ningunha persoa diagnosticada de covid-19 en Galicia este martes.

Desta forma, o número de vítimas mortais contabilizadas na Comunidade galega desde o inicio da pandemia mantense en 2.427, tras confirmarse este luns o último falecemento.

En concreto, a última morte comunicada foi a dun home de 79 anos que permanecía ingresado no Complexo Hospitalario Universitario de Santiago (CHUS). Este falecemento tivo lugar o pasado día 4 de xuño e o home presentaba patoloxías previas.

Un traballador sanitario totalmente protexido nunha ambulancia | Fonte: Carlos Castro - Europa Press - Arquivo.