CC.OO. esixe unha investigación "áxil e rigorosa" para aclarar as causas do naufraxio do "Sempre Güeto"

Consideran que debería servir para mellorar ou reforzar os protocolos de acción.

Por Europa Press / Redacción | SANTIAGO DE COMPOSTELA | 18/06/2021 | Actualizada ás 17:59

Comparte esta noticia

O sindicato Comisións Obreiras (CC.OO.) esixiu a apertura dunha investigación "áxil e rigorosa" para aclarar as causas do naufraxio do cerqueiro 'Sempre Güeto', rexistrado este xoves e no que faleceron dous dos seus tripulantes.

O sindicato quixo trasladar as súas condolencias aos familiares dos mariñeiros e lamentou que son "demasiadas" as mortes accidentais que se están rexistrando no mar sen que as investigacións permitan reducir a súa incidencia ou lograr "melloras substanciais" nas condicións de traballo.

"As mortes son noticia nos medios de comunicación no propio día, pero pasan ao esquecemento con notable rapidez e finalmente convértense nun apuntamento estatístico máis", insistiu. Por iso, instaron a investigar o caso de forma "áxil, profesional e concluínte", para que sirva para mellorar ou reforzar os protocolos de acción.

Membros da Unión Intercomarcal Santiago-Barbanza do sindicato reuníronse este mediodía co patrón maior, Isaac Gaciño, e o armador, Anxo Güeto, que expresaron as dificultades que ten a familia dunha das vítimas, de orixe marroquí, para poder atopar un lugar no que enterralo acorde ás súas crenzas relixiosas.

Por iso, realizan un chamamento público para tentar atopar unha solución canto antes.

O 'Sempre Gueto', barco con base en Portosin
O 'Sempre Gueto', barco con base en Portosin | Fonte: Tuiter Salvamento Marítimo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta