Meteogalicia activará o aviso amarelo este luns por vento na Costa da Morte, no litoral norte da Coruña e na Mariña

Na Costa da Morte espéranse ventos no mar de forza 7 con intervalos de forza 8 desde o suroeste.

Por E.P. | SANTIAGO DE COMPOSTELA | 04/07/2021 | Actualizada ás 17:43

Comparte esta noticia

Meteogalicia activará para este luns un aviso amarelo por fortes ventos na Costa da Morte, no litoral norte da provincia da Coruña e na comarca lucense da Marila.

Segundo figura na web de Meteogalicia, na Costa da Morte a alerta entrará en vigor ás 9,00 da mañá e cesará ás 18,00 da tarde. Nesta zona, espéranse ventos no mar de forza 7 con intervalos de forza 8 desde o suroeste.

Esta mesma situación producirase en todo o litoral norte da provincia da Coruña, pero tan só de 15,00 a 18,00 horas.

Finalmente, na Mariña, a alerta amarela estará vixente en terra de 15,00 a 21,00 por refachos que poderían superar os 80 quilómetros por hora.

Vento e ondada en Valdoviño. EUROPA PRESS - Arquivo
Vento e ondada en Valdoviño. EUROPA PRESS - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta