Por E.P. | SANTIAGO DE COMPOSTELA | 07/07/2021 | Actualizada ás 09:55
Tres persoas foron trasladadas por inhalación de fume este mércores e outras dúas tiveron que ser atendidas no punto despois de declararse un incendio nunha vivenda dun edificio da Rúa Robaleira, no concello coruñés de de Miño.
Segundo informou o 112 Galicia, foi un particular quen, pouco despois das 4,00 horas deste mércores, avisou ao servizo de emerxencias de que unha veciña o alertou de que había moito fume dentro da súa casa.
Con esta información, por parte do Centro Integrado de Atención ás Emerxencias de Galicia avisouse aos Bombeiros de Betanzos, á Garda Civil e a Protección Civil de Miño. Co lume xa apagado, os bombeiros comunicaron que ardera por completo un lavalouzas e parte da cociña.
LUME EN SANTA COMBA
Por outra banda, despois de máis de doce horas de traballo, os servizos de emerxencia deron por extinguido, sobre o seis da madrugada deste mércores, o lume orixinado na tarde deste martes no interior dunha nave que contiña herba seca na parroquia de Fontecada, en Santa Comba (A Coruña).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.