Feijóo destaca que Galica "volvía elixir estabilidade e moderación" nas autonómicas de 2020
Esta fin de semana, os populares galegos celebrarán o seu congreso interno, no que Alberto Núñez Feijóo será reelixido por quinta vez como presidente do partido en Galicia.
Por E.P. | SANTIAGO DE COMPOSTELA | 12/07/2021 | Actualizada ás 19:27
O presidente da Xunta, Alberto Núñez Feijóo, celebrou o primeiro aniversario da súa vitoria nas últimas eleccións autonómicas, celebradas o 12 de xullo de 2020.
Nunha mensaxe publicada a través do seu perfil na rede social 'Twitter', o máximo mandatario autonómico sinala que "hai un ano" Galicia "volvía elixir goberno, estabilidade e moderación" no momento que "máis o necesitaba".
Ademais, no texto, publicado en galego, agradece a "confianza inquebrantable" mostrada polos galegos "durante os últimos 12 anos". "É un orgullo servir a Galicia. Seguimos traballando!", sinala.
Precisamente, esta fin de semana, os populares galegos celebrarán o seu congreso interno, no que Alberto Núñez Feijóo será reelixido por quinta vez como presidente do partido en Galicia, nunha cita que se celebra en Santiago de Compostela --Multiusos Fontes do Sar--.
O evento será clausurado polo presidente do PP, Pablo Casado, e contará coa presenza do secretario xeral do PP, Teodoro García Egea.
