Galicia chegará á "inmunidade de rabaño" antes de agosto
Galicia alcanza o 64% da poboación vacinada contra a Covid con pauta completa. Máis do 93,6% dos maiores de 40 anos ten polo menos unha picada na Comunidade galega.
Por Europa Press / Redacción | Santiago de Compostela | 16/07/2021 | Actualizada ás 11:37
Un 64,01 por cento da poboación a vacinar contra a Covid-19 en Galicia xa conta coa pauta completa, 1.571.196 persoas, tras completar o proceso 26.979 cidadáns máis a xornada pasada.
Segundo os datos actualizados na mañá deste venres pola Consellería de Sanidade con rexistros ata o peche da xornada de vacinación do xoves, recollidos por Europa Press, administráronse 3.223.330 dose das 3.315.195 recibidas ata a data, que supoñen 27.218 postas máis.
Así, dos datos publicados dedúcese que a xornada de vacinación deste xoves en Galicia centrouse en administrar segundas doses, xa que 26.979 máis completaron o proceso.
GRUPOS DE IDADE
Por grupos de idade, recibiron polo menos unha dose ata o momento 131.231 persoas maiores de 85 anos (+9); 96.068 de 80 a 84 anos (+7); 134.266 de 75 a 79 anos (+16); 152.782 de 70 a 74 anos (+25); 160.934 de 65 a 69 anos (+203); 174.586 de 60 a 64 anos (+68); 181.170 de 55 a 59 anos (+117) e 193.513 de 50 a 54 anos (+132).
A estas se engaden 199.621 persoas de 45 a 49 anos (+297) e 187.000 de 40 a 44 anos (+193). Así, ata a data foron vacinadas 386.621 cidadáns de 40 a 49 anos, un 87,27% duns 443.000 habitantes desta franxa de idade.
Deste xeito, ata o momento recibiron polo menos unha dose 1.611.171 persoas maiores de 40 anos en Galicia, que supoñen un 93,66% das 1.720.101 chamadas a vacinar na Comunidade galega a partir desa idade --segundo os datos globais do Ministerio de Sanidade--.
Así mesmo, foron vacinadas 129.017 persoas de 35 a 39 anos (+59) e 27.587 de 30 a 34 anos (+24), o que supón 156.604 cidadáns, un 48,43% duns 323.300 a inmunizar en Galicia nesa franxa de idade.
Tamén recibiron polo menos unha dose 15.122 persoas de 25 a 29 anos (+26); 8.911 de 20 a 24 anos (+71); 1.137 de 15 a 19 anos (+41) e 44 de 10 a 14 anos (+8).
Por tanto, 1.792.979 persoas recibiron polo menos unha dose da vacina no conxunto de Galicia, que representan un 73,04 por cento da poboación diana a vacinar na Comunidade galega.
